Amerlanerit ingerlariaqqiffiusumik ilinniarfimmik naammassipput
2015-imi Kalaallit Nunaanni aammalu Kalaallit Nunaata avataani 225-t ingerlariaqqiffiusumik ilinniarfinni naammassisimapput. Agguaqatigiissillugit 53 procentiullutik annertunerpaat inuussutissarsiutigalugu bacheloriusimapput, naammassisulli tamatigut sisamaat ingerlariaqqiffiusumik inuussutissarsiornermi ilinniarfinni sivikinnerusuneersimallutik.
Titartagaq 3.1. 2006-imit 2015-imut naammassisut, ilinniakkat qaffasissusaannut agguaallugit
Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDNISC11D).
Kalaallit Nunaanni katillugit 177-it ingerlariaqqiffiusumik ilinniarfinni naammassipput. Ataani takutinneqarpoq Kalaallit Nunaanni ilinniarfinnut agguaanneri.
Takussutissaq 3.1. 2015-imi ingerlariaqqiffiusumik ilinniarfinni naammassisut amerlassusaat, qaffasissuseq aammalu Kalaallit Nunaanni ilinniarfiit malillugit
Najoqqutaq: Naatsorsueqqissaartarfik – Kisitsisaataasivimmi kisitsisit takukkit (http://bank.stat.gl/UDDISC11H).
Ilinniarnerit naammassineqartut affai Ilisimatusarfimminngaanneerput. Ilinniarfiit qaffasissusaanni agguaqatigiissillugu inuussutissarsiutigalugu bachelorit 64 procentiullutik annertunerpaapput, ilinniarfinnilu Ilisimatusarfimmi aammalu Perorsaanermik Ilinniarfimmi agguataarsimallutik.
Titartagaq 3.2. 2015-imi Kalaallit Nunaanni ilinniarnerit naammassineqartut, ilinniakkat suunerinut agguaallugit
Najoqqutaq: Naatsorsueqqissaartarfik- Kisitsisaataasivimmi kisitsisit takukkit (http://bank.stat.gl/UDNISC11H).
Kalaallit Nunaanni ingerlariaqqiffiusumik naammassisut 40 procentiullutik amerlanersaat peqqinnissaq aammalu atugarissaanermiipput. Tassani ilaapput soorlu peqqissaasut aammalu perorsaasut. Naammassisut tamatigut sisamangajaat ilinniarnermiipput, tassanilu aamma ilaapput meeqqat atuarfiini ilinniartitsisut.
Ataatsimut isigalugu
Piffissami 2011-mit 2015-imut Kalaallit Nunaanni ingerlariaqqiffiusumik ilinniarfinni ilinniarnerit naammassineqartut katillugit 669-iusimapput. Tamanna ilutigalugu aamma ilinniakkanik ingerlatsisut amerleriarsimapput ukiunilu tulleriaani ilinniakkanik ingerlatsisut 2015-imi amerlanerpaasimallutik 834-usimagamik. Aammattaaq ukiut ingerlanerini ilinniarnerit unitsinneqartut amerlassusaat ikileriarsimavoq.